ភ្នំពេញ៖ របាយការណ៍ ៧ខែនៃចំណូលពន្ធដារដែលបង្ហាញដោយអគ្គនាយកដ្ឋានពន្ធដារបានបង្ហាញថាចំណូលពន្ធដារលើវិស័យអចលនទ្រព្យបានបញ្ហាសញ្ញាធ្លាក់ចុះដោយក្នុងនោះការប្រមូលពន្ធលើអចលទ្រព្យធ្លាក់ចុះប្រមាណ ៦,៧៧% ពន្ធពីការសាងសង់ធ្លាក់ចុះ ២,៤៤% ខណៈពន្ធប្រថាប់ត្រាលើការទិញលក់ថយចុះដល់ ២៦,៥៦%។
អគ្គនាយកដ្ឋានពន្ធដារបានលើកឡើងថាការថយចុះនេះបណ្ដាលមកពីហានិភ័យដែលបណ្ដាលពីភាពមិនប្រកដប្រជា ការប្រែប្រួលបរិបទសេដ្ឋកិច្ចសកល ដែលបង្កដោយសាសរការធ្លាក់ចុះនៃស្ដានភាពសេដ្ឋកិច្ចពិភពលោក និងវិបត្តិសង្គ្រាមរុស្ស៊ី-អ៊ុយក្រែន ប៉ះពាល់ដល់បណ្ដាប្រទេសដែលជាប្រភពទុនសម្រាប់វិនិយោគធំៗមកកម្ពុជា។
ក្រៅពីបានបង្ហាញពីការធ្លាក់ចុះនៃចំណូលពន្ធលើវិស័យអចលនទ្រព្យហើយចំណូលពន្ធដារក្នុងរយៈពេល ៧ខែ ឆ្នាំ២០២៣ នេះក៏ធ្លាក់ចុះផងដែរ ដែលជាលើកដំបូងហើយក្នុងរយៈពេល១០ឆ្នាំចុងក្រោយ។
ចំណូលពន្ធក្នុងរយៈពេល ៧ខែឆ្នាំ២០២៣ មានប្រមាណ ២ ៣០០លានដុល្លារ ថយចុះជាង ២១ភាគរយ (៣ ៤៥៥លានដុល្លារក្នុងឆ្នាំ២០២២៕
